A o faagasolo le vaiaso muamua o le fono tele i Malua ma le faaiuina o le fono a le mafutaga a tina o le ekalesia le Tautua Puapuaga o Tagata poo le TPT, ua faaauau pea le agalelei o lea mafutaga i le auaunaga ma le tautua a le matagaluega o le soifua maloloina i lo tatou atunuu.
E 70 afe le foai tupe ua finagalo le mafutaga e tuuina atu i le matagaluega ma o le Aso Faraile le faaiuga o lenei vaiaso o le a tauaao atu ai lea foai tupe.
Ua faailoa mai ai e le failautusi o le TPT, o le vaevaeina o le foai e fituselu afe, 30 afe mo le falemai faamamā toto i Motootua, 20 afe mo le falemai faamamā toto i le maota gasegase i Tuasivi.
E tai sefulu afe tala mo le maota gasegase o Tupua Tamasese Meaole i Motootua, ma le maota gasegase o Malietoa Tanumafili II i Tuasivi.
O le tausaga na tea nein a faia ai foi lea foai tupe ma o le aofaiga lava lea e tasi o le seleni na tuuina atu i le matagaluega o le soifua maloloina.
