Talu ona faavae le faalapotopotoga a alo ma fanau o le afioaga o Samatau o alala ai taumalele i atunuu mamao, lea ua faaigoaina o le Samatau Next Generation, ua tolu taumafaiga a le faalapotopotoga ua fesoasoani ai i tagata o le afioaga o loo faamautu i le nuu i Samoa.
O le atina’e o taaloga, o le sailiga o le avanoa e faatau ai le talo a Samatau i Niu Sila, ma le uta o nofoa ma kesi lea ua taunuu le vaega muamua o le foai e 200 nofoa ma le 200 kesi, ae o le faaiuga o le masina nei e mae’a ona aumai ai.
O le agaga faafetai lea o le tapuaiga i le paia o aiga o le nuu aemaise o ekalesia a Samatau, ua maua e alo ma fanau a le nuu se fesoasoani tāua o kesi ma nofoa mo le aoga tulagalua.
O le Samatau Next Generation o loo faauluulu i se tamalii o le nuu e faamautu i Aotearoa le tofa Pa’u Teleiai Fereti Puni.
