E toalua ni alii i Aukilani o loo finau pea ina ia faaauau ona taofia le faailoaina faalauaitele o o la igoa a o lumanai ai lo la faamasinoga.

O i laua e toalua ua ta’ua i le NZ Herald o le isi pe ā ma le 20 ma ona tupu tausaga a o le isi pe ā ma le 40 tausaga, o loo taofia i le vaaiga a leoleo ma o loo tuuaia i le fasiotia o se ulugalii mai Ellerslie.

O le tausaga fou le faamasinoga ma o loo tetee i o la moliaga i le fasiotia o Fuk Fu Joseph Kwok ma lona toalua o Mei Han Chong i le aso 5 o Novema i le tausaga talu ai.

O le asō na tutulai ai a la loia i le faamasinoga maualuga i Aukilani ma talosagaina le faaauau pea ona faasā ona faailoa o la igoa.

O loo faatalia se faaiuga iai a le faamasino ae o si ulugalii ua malilliu e 66 ma le 67 tausaga le matutua.