Ua faaluaina le malosi o le finau a le malaevaalele i Melepone i lana finau e tatau ona faia loa le Airport Rail link lea e aofia ai ma se station e alu i lalo o le palapala ma ia ta’ua ai o se faatuai i lea poloketi o lona uiga e mafai ona ausia.
O loo faia finauga a le faigamalo a le setete ma le fale o le pulega o le malaevaalele i le mataupu lea ma ua faamaonia mai e le minisita o Felauaiga o Catherine King ua ia tofia se negotiator tutoatasi e feagai ma le mataupu lenei.
I se pepa o faamatalaga ua ta’ua ai e le malaevaalele o le ala e mananao ai le malo i se station e faamaualuga ona e faigofie atu ona fausia ae manatu le malaevaalele o se station e fausia i lalo o le palapala, underground e ao ona silasila toto’a iai.
O se fesootaiga faapea a le vaalele ma trains agai i le taulaga faatau i Melepone ua leva ona faatalanoaina ma sa taofia foi nisi gaoiga e faatatau i le mataupu lea ona sa faatalia se iloiloga sa faia, lea la ua mae’a le iloiloga ae ua faailoa mai e le premier o Jacinta Allan e lē o mailoa lava se aso e ono faamae’a ai lea galuega.
