O loo faavavave le faigamalo o iai nei ina ia sailia le lagolago manaomia e taofia ai le Soofaatasi poo le Coalition mai le faamatalatala o ana fetuunaiga e faatatau i talavai, lea e aofia ai le faaaogā o se talavai se tasi e tala ai i tua fualaau ma vailaau mo le lua masina.
O vaega autu o lea taumafaiga e aofia ai le faaitiitia mai o le tau o fualaau amata atu i le masina fou.
Ua amata foi se taumafaiga a le Itu Agai i le Senate e faaleaogaina ai ia fetuunaiga.
Ma le isi itu o loo sailia e le Coalition le lagolago e poloka ai ia taumafaiga.
O le faamoemoe o le taumafaiga a le Soofaatasi ina ia aua ne’i faatagaina ia tulafono e ono faamuta ai le faiga o iai e faa’afa ai le tau e totogi mo fualaau.
Fai mai le peresetene o le Australian Medical Association, Prof Steve Robson o loo i le Senate le avanoa e faia ai le mea sa’o.
