E lei faigata ona iloa e nisi e le o se tagata fufulu faamalama o taavale lea na iai faatasi i se tasi o fetaulaiga o auala i Aukilani i Saute.
I le ata video na faasalalau e le TodayFM o loo maua ai le leoleo ofu savili o loo iai faatasi ma i latou o loo fufuluina faamalama o taavale, ma i tala a le alii e onaina le video o lea na maua ai lana ticket.
I lea video o loo maua ai o loo laeina le hoodie o le alii leoleo ma o Manurewa na tu ai ma tuuina atu pepa o faasalaga i avetaavale o loo faaaogaina telefoni faapea le lē faia o fusipau.
Ripoti a le TV1 o loo molimau ai le councillor ia Alf Filipaina o se tasi ua 38 tausaga o galue o se leoleo, e sese ma e le o fiafia i le auala na faatautaia ai galuega a leoleo.
I le manatu o Filipaina e solitulafono lea gaioiga na faia, ma e le tatau ona fai ma o loo popole ona e sese ai ma le faauigaina e tagata lautele aemaise o lo latou talitonu i auaunaga a leoleo.
Ua tali mai iai leoleo na ioe e lei sa’o le sui o ofu o le leoleo e faafoliga o ia o se tasi o tagata fufulu faamalama o taavale ma o lea foi o le a le toe tupu.
Ae i le toatele na faaali finagalo i luga o le social media, o loo fesili uma pe aisea na faia ai lea gaioiga e leoleo.
