O le mae’a o le fono faaletausaga lona 24 a le Faamalu o Faalapotopotoga tuma’oti a Samoa le SUNGO, ua filifilia ai ma le laulau fou o le Komiti Faafoe mo le lua tausaga e amata i le tausaga fou e oo i le tausaga e 2024.
Ua filifilia nei le tofa Lavea Peseta Lua Nafoi mai le Autalavou a le ekalesia faapotopotoga kerisiano Samoa i Tulaele e avea ma Peresetene o le faalapotopotoga.
O le teutupe ua tofia iai le susuga Taulealeausuai Toni Tipamaa mai le sosaiete tau siosiomaga a Samoa, ma le failautusi ua tulai mai ai le tofa Mataafa Faatino Utumapu o le Nuanua o le Alofa.
Sui Auai o le Komiti Faafoe ale FaamalumoFaalapotopotogaTuma’oti a Samoa: 2022-2023
1. Amituana’i Fuimaono Dr Cecila Alailima (Independent Water Schemes Association)
2. Fiu Mataese (O Le Siosiomaga Society Incorporated)
3. Tofilau Raymond Voigt (Beekeepers Association of Samoa)
4. Fuatino Moli (Mix Farming Group)
5. Melesete Mano (Mauloa Development)
6. Selesele Uili Amani (Mata’itoa CBO Lepale)
7. Molioo Pio Molioo (Gaualofa Ministry)
O le fono faaletausaga lona 24 sa talanoaina ai faamatalaga tau tupe a le faalapotopotoga o le faamalu o faalapotopotoga tuma’oti a Samoa faapea ma le lipoti i le faagasologa o ana galuega.
