E 39 alii taaalo o le Moana Pasifika ua mae’a filifilia nei mo le sauni atu i le taamilosaga Super Rugby i le tausaga fou.
O le vaiaso nei ua faalauiloa mai ai e le Moana Pasifika lea tulaga lea foi e aofia ai ma le alii o Sekope Kepu ma Christian Lealiifano sa taalo i le Wallabies.
Fai mai e toalima isi alii fou ua aofia ai le ‘au lea e aofia ai Miracle Faiilagi se tasi alii taalo o loo faamautu i Samoa ma sa avea foi ma sui o Samoa i le lakapi taitoafitu.
O isi o le toalima lea e aofia ai Abraham Pole mai Otago, D’Angelo Leuila o le Manu Samoa, Mahonri Ngakuru mai Tasman ma Michael Curry mai North Harbour.
O le latou taaloga muamua i le tausaga fou e fetaui ai ma le Fijian Drua i le aso 25 o Fepuari, taaloga ma le Reds e faia i Apia i le aso 14 o Aperila.
