O loo fia maua e leoleo i Sini nisi e silafia ni faamatalaga i le faalavelave na tupu i le itu i Matu i Sisifo o Sini i le po anapo.
O se tamā e 78 tausaga le matua ua taofia nei i le falemai ina ua maua atu o matapogia i se magaala i Epping poo le lata i le 8 i le po anapo.
Na valaau ane le fesoasoani faavavave i le faalavelave lea i Boronia Ave ina ua faalogoina e tagata e aumau i le pito lea se pao leotele ma vaaia ai le tamā lea i luga o le auala.
O loo masalomia na lavea i se taavale ae lei tu ane le taavale na aafia ai. Sa faia iai togafitiga a leoleo ma paramedics ma aveina atu ai loa i le falemai i North Shore.
Fai mai e iai manuaga i lona ulu ma e tigaina. Ua faia nei suesuega ae ua ta’ua o se taavale lanu moana vaivai o le sedan sa agai ane i le faaitu lea ma e masalomia o le taavale lea na aafia ai sia tamā matua.
