Ua saili atu i le atunuu e le matagaluega o leoleo, falepuipui ma le ola toe fuataina, ni faamatalaga e tau saili ai ni tamaitai se toalua ua faasalalau e leoleo o la ata, ona o se sailiiliga o loo feagai ma le Ofisa suesue faapitoa o leoleo.

O loo fia maua suafa o ia tamaitai ma nuu o loo faamautu ai ae e le o faailoaina e leoleo poo le a tonu le mafuaaga o le manaomia o ia faamatalaga ua faasalalau ai ma ata o ia tamaitai.

Ua manino i ata o loo i luga o fesootaiga televavave i le api o foliga, na pue ata o ia mafine e se masini pueata video o se faleoloa.