Ua unaia e leoleo soo se tasi e silafia se faamatalaga i le tamaitai Aukilani o Aimee Jane Smith lea o loo tau sailia nei, ina ia fesootai ane i leoleo.

Fai mai lipoti o Aimee 21 tausaga le matua na mulimuli vaaia i le taeao o le Aso Faraile na tea nei i St Heliers ma e lei toe maua e lona aiga se faamatalaga talu mai lea taimi e ui ua tele taumafaiga a leoleo sa faia e tau sailia ai o ia.

Fai mai le sooupu a leoleo e talosagaina soo se tasi e silafia se faamatalaga e uiga i lea tamaitai ina ia valaau ane i le numera a leoleo 111 poo le 105.

E faafetaia foi e leoleo le fesoasoani a nisi o le atunuu ua mae’a fesootai ane ma faamatalaga ma ua lipotia foi le faapopoleina o si ona aiga ma ana uo mo lona saogalemu.