O loo iai foi se isi faalavelave ua lipotia mai i le itu i Saute o Brisbane ua feta’ua’ina mai o se alii ua molia ai nei foi i le faaoolima i lona tamā.
O lea tagata e 30 tausaga le matua na pue e leoleo mai se fale i Marsden i le aai o Logan.
Faailoa mai na maua atu le tinomaliu o le tamā e 67 tausaga i le fale lea i le pito i tua, maua i le vaveao analeila poo le ta o le tasi.
Fai mai sa iai foi ma se tina e 60 tausaga sa iai i le fale lea ae lei afaina.
Ua molia nei le alii 30 tausaga i le fasioti tagata e ala i sauaga i aiga.
Ua faagasolo le suesuega a leoleo ma aoina mai faamatalaga e fesoasoani i le suesuega.
O se taimi o le asō e tulai ai i le faamasinoga i Beenleigh.
