Search
Photo Credit: New Zealand High Commission in Samoa

Fesoasoani Niu Sila e faatupe le fausia o se mata’aga fou mo le atinae o tagata tafafao

Ua fesoasoani le Malo o Niu Sila i le fausia o se mata’aga fou mo le atinae o tagata tafafao mai i Samoa, e pei ona tatala ai le nofoaga ua faaigoaina o le Le Mafa Pass Lookout i le tau e silia i le 94 afe tala Samoa.

O le Aso Tofi na tatala ai lea nofoaga o le a mafai ona afea e tulisi ma maimoa ai i le lanu lau’ava o atumauga ma le vaomatua o le nofoaga o le Mafa i le agai lea i Fagaloa, o Lotofaga ma le atu Aleipata.

Ua faailoa i se lipoti a le Samoa Observer e le taitaifono o le komiti faatonu o le pulega o tagata tafafao le afioga Tauiliili Alise Stunnenberg, o se nofoaga matagofie tele o le a manatua ai pea le agalelei o Niu Sila i le atinae o tagata tafafao mai fafo.

O le Komesina Maualuga o Niu Sila i lo tatou atunuu, o le pule sili o le pulega o tagata tafafao mai fafo ma le taitaifono o le komiti faatonu o le pulega o tagata tafafao na latou tatala aloaia le nofoaga, ua avea nei ma se tasi o vaaiga fou pe a malaga i le alatele o le Malo e ui atu i le Mafa.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required