Search
Photo: KEVIN STENT/FAIRFAX NZ

Fesiligia le toe siitaga o le totogi maualalo faatulagaina

O le toe si’I o le totogi maualalo faatulagaina I totonu o NZ, ua o se faaiuga ua faia ma le mautinoa e faaleagaina ai le tamaoaiga o le atunuu

Saunoaga nei a le taitai o le vaega a le ACT, David Seymour, ma lona ia talitonuga o le a faaitiitia ai ma avanoa faigaluega mo tagata Kiwi

O sona ia lea finagalo faaalia I le maea faalauiloa mai ai o le ripoti a le Helen Clark Foundation ma le Institute of Economic Research ile taeao ananafi, ma o loo faamalosia e lea ripoti le toe tu’u I luga o le totogi maualalo faatulafonoina

A’o popole ai la Seymour I le toe sii o le totogi maualalo, o se fautuaga foi lea a le matagaluega o pisinisi ma galuega ua tuuina atu I le malo, lea o loo taua ai e ono oo atu I le 30 afe avanoa faigaluega e le o toe iai pe taunuu le siitaga o totogi maualalo

Saunoa foi Todd McClay o le sooupu o le vaega o tupe a le National, o le a atili ai ona aafia pisinisi pe a taunuu lea fuafuaga, ona a fua atu I le faaopopo o sick leave, faaopopo le isi aso malolo toe si’I totogi, o le a faaaluina ai le isi tusa ma le 2.8 piliona ile tausaga

Ae mai le minisita o tupe, Grant Robertson, foliga o loo mafanafana le malo I le siitaga o totogi maualalo

O Aperila o le tausaga nei le siitaga na ioeina e le faigamalo talu ai, si’I mai le $17.70 I le $18.90 I le itula O le tausaga fou o loo fuafua e toe si’I ai I le $20 I le itula

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required