Fiame Naomi Mataafa
Photo: Supplied via NZ Herald

Fesiligia e le taitai o le FAST ia Fiame Naomi Mataafa le mafuaaga ua ala ai ona faaopopo le isi nofoa o le Palemene

O le itula e 12 i le aoauli nei i Samoa lea na valaau ai i luma o le faamasinoga le mataupu e faatatau i le nofoa faaopopo a le vaega faaupufai e Puipuia Aia tatau o tagata lautele le HRPP.

O lenei matuapu na ave i le faamaisnoga e le vaega faaupufai a le Faatuatua i le Atua Samoa ua Tasi, le FAST ma o latou fesiligia lenei gaioiga faafuasei e ala i le nofoa faaopopo. Taua e le Taitai o le FAST Fiame Noami Mataafa i le feiloagai ma tusitala i le aso ananafi, o lea faaiuga o se gaioiga oso faalava ma o le ala lea ua tuuina atu ai i luma o le tulafono mo se faaiuga talafeagai.

O le faamoemoe a le FAST ina ia faaleaogaina lenei nofoa faaopopo mo tamaitai i le Palemene.

E pei ona silafia o le aso 20 o le masina nei lea na tuuina aloaia mai ai e le Ao o le Malo o Samoa Tuimalealiifano Vaaletoa Sualauvi II o le filifilia ai o le sui Alataua Sisifo, Aliimalemanu Moti Momoemausu Alofa Tuuau ma sui usufono o le Palemene a le Malo Tutoatasi a Samoa.

I se ripoti mai ia Galumalemana Tipi Autagavaia i le taeao nei na ia taua ai e le na’o le tasi le mataupu o loo finau ai le Vaega Faaupufai a le FAST i luma o le faamasinoga, o le aso foi i le itula e 2 i le aoauli I Samoa o le a valaau ai foi le mataupu e faasaga i le sui a faipule a Faasaleleaga Numera 5 Peseta Vaifou Tevagaena, lea e iai le latou talitonuga e faapea ua faamaonia tuuaiga i le ave taavale faatamala e afua ai le manu’a o se tasi ma o le talosaga ina ia soloia le nofoa o lea sui a faipule.

O le finau a le FAST o aiaiga o le tauva i le faiga filifiliga a le atunuu e tatau ona lelei le talaaga mai le matagaluega o leoleo peitai na tuuina mai le ripoti a le Matagaluega o leoleo e leai se tuuaiga a lea sui a faipule ae mulimuli ane maua famaoniaga mai le faamasinoga e iai tuuaiga na molia ai lea sui i tausaga ua mavae.

Taua e Autagavaia o nei mataupu e lua o loo ave iai le faamuamua a le faamasinoga ina ia vave maua se iuga i le aso.

LAUILOA

Keep uptodate with Radio Samoa activity & promotion

* indicates required