E silia ma le afe fale ua toe suesue nei e Councils faapea ai ma leoleo, ina ua toe iloa mulimuli ane e le o se inisinia aloaia lea na sainia pepa na faatalosagaina ai pemita o galuega.
E 42 Councils i totonu o Niu Sila o lea ua toe taumafai e faafesootai tagata e iai o latou fale na sainia e le tama Taupo o Jonathan Beau Hall o le Kodiak Consulting Ltd.
Mai le Engineering NZ na faatoa alia’e ina ua faafesootai e se tasi le inisinia o loo lomia lona igoa i luga o pepa o galuega, peitai o i na faateia ai lea inisinia ona e leai sona silafia i le fale pe na saini ai foi.
O pepa o galuega na fosi e Jonathan le sainia o pepa nei o loo tuuina atu i le Council e faamaonia ai ua ioe le inisinia ua aloaia o le chartered professional engineer i le fausaga o le fale ma ua faamalieina foi le Building Code ma taiala uma mo le galuega.
O Jonathan o loo lisiina ai lona igoa i luga o le upega tafailagi a le Engineering NZ o ia o le engineering technologist faavaomalo, ae e le o ia o se chartered professional engineer.
I lipoti e foliga mai o lea na tusi lava e Jonathan le ata o le fale, peitai e na te lei lafoina i le inisinia ua aloaia e siaki ma saini, ae o lea na toe saini lava e ia ma tuu atu i le Council.
