Na faatino ananafi se polokalame a le Matagaluega o Tina ma Tamaitai ma le Tauvaga Tausala o saili ai se lalelei o Samoa mo lenei tausaga e ala lea i le tuuina atu o tamaitai e feiloai i nisi o itumalo i totonu o lo tatou atunuu.
E sefulu itumalo na agai iai tausala ma sui o le Matagaluega e faafeiloai ma se’i aumai ai le lagolago a itumalo, atoa ai ma le asia o poloketi o le miliona a itumalo e tausala o le tauvaga.
Miss Arilei Couture, Karameli Purcell i le aso na feiloai atu ai i lona itumalo o Safata
O se suiga ua faia mo se taimi muamua talu mai ona faataunuu lenei tauvaga, o le mafai lea ona oo atu tamaitai tauva i itumalo e le gata e faalototele atili ai e ala i le lagonaina o le lagolagosua ae ia feiloai atu i lo tatou atunuu.
Na ta le itula e lua toe foi mai le polokalame i totonu ma faia ai le ‘ava o le feiloaiga e le Matagaluega a o lei toe faasese atu le tauvaga i lima o le Onomea Production lea o loo latou faatinoina tulaga uma o le tauvaga lenei.
