O le toe talimalo ai o Samoa i lenei fonotaga talu mai le 2009 o se faamanatu lea i le tele o laasaga ua ausia e le Pasefika e le gata i faiga faavae ae o le ausia o nisi vaega.
O le fonotaga lenei na saunoa ai le Ofisa Sili o le Matagaluega o Siosiomaga Lealaisalanoa Frances Brown-Reupena e faafetaia le sao tāua o sui taitasi o le Pasefika i nisi o ana faamoemoega ua mae’a faataatitia.
“Ua tele vaega ua ausia ma faataunuuina talu mai le 2009 o fuafuaga ma faiga faavae auā le lima taitaiina ai o galuega faatino.
“E ui la ua telē se laasaga ua ausia ae lē mafai ona tatou toe faatamala i la tatou auaunaga.”
Na faamalosi ai foi Lealaisalanoa ina ia mafai ona toe faamautu faigapaaga e faailo ai faiga faavae ma le tele o nisi o vaega e ao ina laualuga i lenei fonotaga.
“E tāua uma galuega e tāua foi soo se atunuu i ana galuega o loo faatino auā lo latou saogalemu o le ala lea ia mataali i lenei fonotaga ae le gata i lea o aoaoga olea faatino.”
O lenei fonotaga o loo taimua ai le Matagaluega o Siosiomaga e tauala atu le Ofisa o Vaaitau ma le faalapotopotoga o polokalame faalesiosiomaga a Malo Aufaatasi poo le U.N.E.P.
E fā aso o loo fuafua e faafoeina ai lenei fonotaga i le faletalimalo a le Orator.
