Ua maua le feiloaiga a le palemia, Jacinda Ardern ma le alii tupu ia King Charles faapea ai ma le palemia fou o Peretania, Liz Truss.
O le faaiuga o le vaiaso na feiloai atu ai le taitai o le atunuu ma faaleo faamaisega mai ia Niu Sila I le aiga tupu, mulimuli ai I le po o le Aso Toonai (taimi Niu Sila) feiloai ma le tamaitai palemia e talanoa fefaatauaiga saoloto I le va o atunuu e lua.
O le uluai taimi lea ua feiloai ai palemia o malo e lua, ma i le finagalo faaalia o Ardern na ia faailoa ai o loo tali leleia e le palemia fou o Peretania lenei saolotoga.
Mai ia Ardern, o lenei maliega o le a mafai ona faalagolago iai Niu Sila e le gata e faaauau ae o le a saga malosi ai foi la laua faapaga ma Peretania
