Na aga’i atu le vaega o le tineimu i le falepuipui i Hawkes Bay lea sa tula’i mai ai se tulaga ua lipotia e le Stuff i le asō o ni talavou pagota e to’alima 17-19 tausaga le matutua na vaaia o faataututū ma leoleo falepuipui i le taualuga o le vaega o taofia ai, le youth unit ma vaaia o tau’ai ane fafie ma isi aitema.
Ta’ua i le lipoti sa faailo le sailini poo le alarm i le falepuipui ma sa iai foi le riot squad a leoleo. Fai mai e to’atasi o i latou ia na aga’i ane i lalo mai le taualuga i le taeao analeila ae na amata mai anapo le feutana’iga lea. Fai mai le minisita o faasa’oga Kelvin Davis, e tele lona faatuatuaga i le tomai o le aufaigaluega a le falepuipui i le feagai ai ma le mataupu lea.
O loo faaauau ona soalaupule le mataupu ae ua ta’ua e lē o iai se lamatiaga i tagata lautele ma le puipuiga i le falepuipui.
