O le to’atele sa fiafia ma talia lelei le suiga o le tau mai le mālūlū i le mafanafana, ua fai si faanoanoa o nisi ina ua faailoa i lipoti lata mai o le tau, o le a iai foi se suiga i le tau vevela i le amata atu i le aso a taeao faasolo i le faai’uga o le vaiaso.
O le asō e oo atu i le 30 tikeri le vevela i le tele o vaega o Sini, peitai ua faailoa foi e oo ane i le aoauli a taeao ua ai se suiga ona o loo fautuaina mai timuga mamafa i le aso a taeao.
Fai mai le vaaitau e iai se ā’ega o uiga o le tau o loo aga’i ane i le itu i Saute i Sasae o le setete o NSW e aofia ai le South Coast, Illawara ma Sini.
Fai mai o le a iai timuga e ono oo atu i le 80mm le mamafa.
Ua lapata’ia ai foi ia nofo sauni i ni vaega e ono lolovaia ma tapenapena foi i taimi e faaletonu ai le tau aemaise o le faapaka ese o taavale mai nofoaga o iai laau.
Ua fautuaina foi le taofia o le feoa’i i nofoaga e lolovaia gofie ma ia faamuamua le saogalemu.
Puna o Faamatalaga: https://www.9news.com.au/national/australia-weather-update-extensive-rain-for-south-eastern-states/1a230795-4aef-43a8-a861-66484964ecb4
