Ua iai se fautuaga ua tuuina ane e le Matagaluega o Faamasinoga e faatatau i le Treaty Principles Bill ma ua tuuina atu i le Kapeneta.
O lea fautuaga ua fautuaina ai le soofaatasi ina ia faaauau pea soalaupulega i le tulaga o iai le pili ae lē o le toe faamatala auiliili o ona manatu autū.
Fai mai le fautuaga mai le Matagaluega ma isi ofisa na tuu ane o latou sao, o le pili lea o le a faaleagaina ai le sootaga i le va o Maoli ma le Crown ma e lē o ausia foi le tulaga faatuatuaina ma tagata Maoli e pei ona mana’omia i lalo o le Feagaiga.
O lenei pili o se vaega o le maliega fai faatasi a le National ma le Act ma le maliega o le a tuuina iai le lagolago a pati o le soofaatasi i lona faitauga muamua seia oo ina tuuina atu i le komiti filifilia lea e faia ai le iloiloga lea e ono masina.
Ua mae’a ona faailoa e le National ma le NZ First latou te lē lagolagoina le pili lea i tua atu o vaega e pei ona malilie iai ma e lē lagolagoina foi le faia o se referendum.
Puna o Faamatalaga: https://www.rnz.co.nz/news/political/527682/treaty-principles-bill-officials-advise-government-against-redefining-principles
