Ua vaaia e le Consumer Watchdog a Ausetalia le ACCC le toatele o tagata ua aafia i ni faiga taufaavalea e aofia ai le upega tafailagi a le Booking.com.

Ua lipotia e le ABC le tele o lipoti ua ta’ua ai lea tulaga ma maitauina na faatetele i le tausaga na tea nei.

Fai ma le ACCC e silia ma le 300 lipoti na oo atu ia i latou e faatatau i ni faiga taufaavalea i le booking.com ma e lē na o tagata i Ausetalia o loo aofia ai.

Fai mai molimau a nisi na faamatala i le ABC e matuai foliga lava e moni mea o loo faamatala atu i feutanaiga pe a fai se booking i lea upega tafailagi.

E mae’a ona totogi tupe ae fesootai atu i nofoaga na faia ai bookings e leai ni bookings faapea ua faia atu.

Ua fautuaina e le ACCC ma leoleo tagata ia faaeteete ma siaki muamua pe faamaonia tulaga uma a o lei faia ni bookings.

O le faamatalaga a le booking.com i le ABC o le tele o nisi o a latou paaga e saunia mea e nonofo ai tagata o loo aafia i ni imeli taufaasese ma osofaiga i luga o le initaneti lea e masalomia e tau aafia atu ai ma le auaunaga a le booking.com.