Ua sau nei le valaau mo tagata Tauranga e agai mo siaki I le maea sau o faaiuga o siaki na faia I vai leaga o otaota o loo maua ai le Koviti
O suesuega na faia faaaoga vai leaga nei I le aso 23 o Setema lea na faamaonia e le faatonu o le soifua maloloina, Dr Ashley Bloomfield lea ua faamaonia
O se faaiuga e faateia ma e ono fesootai lea ma cases ua faasolosolo manuia e tusa ma saunoaga a le faatonu
I faagasologa masani o faaiuga faapenei o le faatali seia sau le iuga o siaki lona lua, peitai ona o le saoasaoa o le Delta ua augani mai ai le soifua maloloinga e aua le faatali aemaise lava pe afai ua faalogoina auga o le fulu pe na asia foi nofoaga na iai cases faamaonia
O le aso o loo faatalitali ai isi faaiuga o siaki o loo faia I Tauranga, Mount Maunganui faapea isi nofoaga lalata ane
