O Vanuatu ma Fiti lea ua lapata’ia foi i se vaega loulouā o uiga o le tau e ono avea ma afā i se taimi o le aso.
Lipotia e le RNZ na faailoa e le vaaitau mai Fiti ma Vanuatu o loo latou māta’itūina lea vaega o uiga loulouā o le tau ma o loo faamauina i le taimi nei i le tusa ma le 90km i le itu i Saute i Sisifo o le laumua o Vanuatu o Port Vila.
Fai mai le vaaitau e ono faatupula’ia ma avea ma afā i le aga’i atu i le afiafi ma o le a faaigoa o Urmil pe afai e faaauau pea lona malosi ma avea loa ma afā.
Ua faailoa e le vaaitau i le taimi nei i le ogatotonu ma le itu i Saute o Vanuatu e lē taumate o loo aafia i timuga mamafa aemaise o le faatupula’ia o le malosi o le savili i le taimi nei.
Puna o Faamatalaga: https://www.rnz.co.nz/international/pacific-news/588143/vanuatu-and-fiji-on-alert-as-tropical-depression-gains-strength-set-to-become-cyclone-urmil
