Ua fautuaina le atunuu ina ia faaetete ma silasila toto’a i nisi o faiga taufaasese o loo agai sa’o i faiga faatauga i luga o upega tafailagi ma le kilivaina o uta.
O le vaega a le Scamwatch lea e nafa ma le suesueina o faiga taufaasese ua o latou faailoa e iai se isi ituaiga faiga taufaasese fou lea e foliga ua taatele mai i lenei vaitaimi ua faafoliga ai tagata o latou o tagata faigaluega a le Australian Post ma agai ai e koleti mai afifi a tagata mai aiga ae uma ane ua sola ma afifi mai ia tagata.
E le gata i lea ua iai nisi faiga ua faailoa ai o latou e faigaluega i le Australian Post ma agai ai e piki le parcel poo le afifi a le tagata ae le o ia e ana.
Fai mai le Scamwatch ia mataitu lelei le tulaga lea aemaise o le vaitau tonu lenei e tele ai faatauga a tagata e fai auā le Kirisimasi.
