O le a lagolago pea e Falani ma le UK le atunuu o Ukraine tusa lava poo le ā le umi e mana’omia ai le fesoasoani e faamuta ai le taua ma Lusia.
O ta’ita’i o ia atunuu e lua o Peresetene Emmanuel Macron o Falani ma Sir Kier Starmer o le UK ua o la faailoa uma ia faamatalaga i le faailogaina o le Armistice Day.
Ua faailoa mai ia finagalo o atunuu e lua a o talitali ai e le to’atele pe faamata o le a iai se suiga i le lagolago a Amerika i lalo o le Peresetene fou ua filifilia nei.
E le’i tuuina lava e Joe Biden se faatagana ia Ukraine e faaaogā ai ituaiga a’upega alualu mamao faasaga ia Lusia ona o popolega ne’i faifaitetele vesiga peitai la ua fesiligia se tulaga o le a iai lea faai’uga pe afai ae amata le nofoaiga lona lua a Trump e lē gata i le lagolago ia Ukraine ae faapea foi i le NATO.
I le faai’uga o le vaiaso sa lipotia ai e le Washington Post ua mae’a ona talanoa Trump ma Putin e faatatau i le taua lea i le va ma Ukraine.
Fai mai le BBC o loo teena e le Kremlin na iai se talanoaga faapea na faia.
Puna o Faamatalaga: https://www.bbc.com/news/articles/ce8dz0n8xldo
