Ua tatala i tua mai le falepuipui a Farani lē sa avea muamua ma o latou Peresetene, o Nicholas Sarkozy ina ua faamatuu ane le faai’uga a le faamasinoga ua tatau ona faasa’oloto mai a o tālia lana apili mo ona moliaga sa faamaonia ia Setema.
Na faamaonia ona moliaga i lona auai i se scheme sa faatino e faatupe ai lana campaign o le palota i le 2007 sa faia ai se fetuuna’iga ma le atunuu o Libya.
I sana faamatalaga sa faia i luga o upega tafa’ilagi ina ua mae’a aveese mai le falepuipui ua ia ta’ua ai lona agaga faafetai ia i latou uma sa taumafai e fesoasoani ma lagolago ia te ia ma ua ia faailo o le a iloa le mea moni i lana apili ua i luma nei o le faamasinoga.
Na ia faamatala foi o le 20 o aso sa iai i le falepuipui o se tulaga faigatā tele mo ia ma o loo manino lona finagalo faaalia o ia e mamā mai moliaga o loo tuua’ia ai o ia.
Puna o Faamatalaga: https://edition.cnn.com/2025/11/10/world/nicolas-sarkozy-released-prison-intl:
