Na fana mai le taavale se fale i Magele anapo, ma na faaleagaina ai faamalama ma faitotoa i pulufana.
O le fale ua faaleagaina nei i Plumley Cres i Aukilani i Saute e faapea na tafana pe tusa o le latalata i le itula e 9 anapo.
Ua lipotia e le Herald o lea ua leoina e loeleo ma e lē o mafai ona faamautinoa mai e leoleo pe iai se fesootaiga o le mea na tupu anapo ma isi fale lea na tafana mai foi i taavale i vaiaso e lei mamao atu.
O le amataga o le masina lea na tafana ai foi fale i Onehunga ma Magele i le po lava e tasi.
Puna o Faamatalaga: Auckland drive-by shootings: Māngere house riddled with bullet holes in overnight shooting – NZ Herald
