E lua tausaga ma le lima masina lea o le a faasala ai i le falepuipui le tagata sa ia fuafuaina se osofaiga o tagata e le o ni Mosalemi.
O lea alii e 21 tausaga ua ta’ua na tulai i le asō i le faamasinoga maualuga i Aukilani ma ua taofia nei le faalauiloaina o lona suafa.
O le masina o Novema tausaga talu ai na ia ta’utino ai i le faafefe e fasioti se tagata, lua moliaga e faatatau i le tufatufaina o lomiga e tetee iai i nisi ma le umia foi o nisi o materials ma sa ia vaavaai mo ni nofoaga talafeagai i le aai i Aukilani e faatino ai lona faamoemoega na iai mo lea osofaiga.
O suesuega na faia na maua ai e leoleo nisi o ana tusitusiga i dairies ua ia tautino ai lona lagolago i le ISIS e pei ona faamaonia i le tuuaofaiga o faamaumauga faamaonia mai lea suesuega.
