E tasi le tausaga ua faasala ai i le falepuipui se tamaitai mai Amerika na malaga mai i Ausetalia nei ma maua iai se fana auro i lana ato lea sa ia ta’ua e mo lona puipuiga.
Faailoa i lipoti lata mai a le Alaata 9 o Liliana Goodson na ia ioeina ona moliaga o le aumaia faasolitulafono o se auupega le faatagaina i le atunuu ma ua lauina ai lona i’uga i le vaiaso nei e tausaga atoa i le falepuipui.
E 30 tausaga o Liliana ma ua ta’ua i le lipoti ina ua mae’a le lauina o lona faasalaga sa faatonuina e aveese uma ana jewellery ma ave atu ai i le falepuipui.
Na mua’i pu’eina i Sini i le mataupu lea i le tausaga na te’a nei 2023, ina ua maua e leoleo le fana e pei ona ta’ua, fai mai pe ā ma le 3 afe le tau pe a faatauina.
O nisi faamatalaga sa ta’ua i le faamasinoga o le mataupu lea e faapea na māfua ona sau i Ausetalia ina ia auai i se a’oga mo clowns poo tagata faimeamālie ma faafiafia ma sa sau ma le fana e puipuia ai o ia.
Ina ua maua sa ia fai i leoleo ua galo ia te ia o loo iai le fana i lana ato.
Puna o Faamatalaga: https://www.9news.com.au/national/jail-for-us-woman-who-brought-golden-pistol-to-australia/ae0ff11e-abb0-4708-b568-31c346d6a270
