Ua faasala i le falepuipui mo le tolu tausaga le tamaitai o Sera Skelton ina ua faamaonia e le faamasinoga le moliaga e tasi o le gaoi a o avea ma tagata faigaluega.
E tusa ma le $310,000 le tinoitupe na tuuaia ai lea tamaitai, peitai e $20,000 le tupe ua faamaonia na aveesea faasolitulafono e lea tamaitai.
E 82 moliaga na molia ai o ia peitai na toe faaui i tua moliaga e 81 ae tasi le moliaga o le gaoi a o avea ma tagata faigaluega na ioe iai.
O le mataupu lenei na tulai mai le va o le tausaga 2015 ma le tausaga 2018.
O le tamaitai o Sera sa galue o ia o se Sui Ofisa Sili o pulega o le Matagaluega o Faamasinoga.
