Falepuipui alii taufaavalea e toalua mo le 4 tausaga

I le $3,900 na maua e taulele’a e toalua o Joseph Lafaele ma Viliamu Tuigamala Faaleleiga mai le tai $300 na o la aoina mai i tagata na talosaga atu e fia maua ni galuega faavaitaimi i Ausetalia e ta’i 4 tausaga ua nofosala ai i le falepuipui.

O Joe Lafaele o Togafuafua ma Falelatai e iloa i le isi ona igoa o Jodyn ao Viliamu Tuigamala o le isi ona igoa e iloa ai o Vivian o i laua ia na molia e leoleo i lo la maua o ni Tupe i ni auala taufaavalea na o la fesootai ai i tagata e to’a 13 ma faia iai folafolaga e maua a latou galuega faavaitaimi i Ausetalia ona o i laua o loo lotolotoi i le tapenaina o nei galuega.

Na silafia e i laua ia o se gaioiga pepelo ma le taufaavalea na o laua faia ae sa polili atu pea ma folafolaga in tagata e tapena ato ma sauni e tuua le atunuu. O le masina o Setema na aliali mai ai lenei gaioiga solitulafono ma sa maoaluma ai nei tagata ma agai i le malae vaalele ae taunuu atu e le’o iai ni tagata ni tagata faigaluega faavaitaimi i Ausetalia.

Faaalia e leoleo  i tolaulauga o le faaiuga a le faamasinoga o nei alii e toalua e iai foi ni o la moliaga faapea sa molia muamua ai ma sa nofo falepuipui ai foi. Na logotala le Ofisa o loo vaaia galuega faavaitaimi i le Matagaluega o Alamanuia ma Leipa i le gaioiga lenei ma faatalise ai se faasilasilaga i le atunuu ma faamanino ai e leai lava se isi auaunaga o loo faia tapenaga mo ia talosaga ua na’o le MCIL.

O le itu faanoanoa i le faamasinoga i le lauina o le faaiuga e leai ma se taumafaiga a Viliamu ma Joseph e faafeiloai tagata na aafia ma faatoese iai pe toe faaola foi a latou tupe na lā aoina ma fai ai lo la ivi. O le tai 4 ma le afa tausaga o le a nofo Sala ai i le falepuipui ma o le a toese a ai aso na nofo taofia ai. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required