O le asō e toe faitau ai ma o le faitauga mulimuli lea o le pili o loo finauina ai le toe faafoi mai o sitiseni Samoa na aveesea mai.

O le faitauga faatolu lenei afai ae pasia o lona uiga o le a toe faafoi mai ai le agavaa e sitiseni ai nisi o Samoa na aveesea faamalosi mai i tausaga ua alu.

O le pili foi lenei o lea o loo ia finauina ai le faai’uga na mua’i faia i le 1982 e agavaa ai tagata Samoa na soifua mai i le va o le 1924 ma le 1948 e maua ai sitiseni i  Niu Sila Samoa, peitai o lea na mulimuli toe aveesea mai.

A toe tepa i le faitauga lona lua i le masina talu ai lea na lagolagoina uma e pati, e ese mai le ulua’i faitauga e le’i auai uma finagalo.

Mai le palemia o Niu Sila, Christopher Luxon o le mana’oga ia agavaa i latou na aafia e tusa ma le 3,500 ona o le suiga o le tulafono na toe sui i le 1982, ma o i latou foi nei e i le va o le 76 ma le 100 tausaga.

Afai ae faasafua ina ia aofia ai ma alo o i latou nei, o lona uiga o le a manuia ai le tusa ma le 15,600 tagata.

O le ta o le itula e 4 i le afiafi o le asō le faitauga mulimuli o lenei pili.

Puna o Faamatalaga: Third reading of Samoa Citizenship Bill in NZ parliament today | RNZ News