O le auaunaga o le Pacific 40 Talofa Voucher o loo faagaioia e se tamalii o le atunuu o loo faamautu i Niu Sila ma lona aiga, ua faipaaga nei ma se tasi o auaunaga tumaoti a le Malo o Samoa le Unit Trust of Samoa poo le UTOS, o loo teu faafaigaluega ai seleni a tagata, o pisinisi, ma faalapotopotoga e oo lava i Ekalesia.
Ua faailoa e le pulega o le UTOS, ua galulue ma le Pacific 40 Talofa Vouchers i le totogiina o iunite poo seleni a tagata o fia teu faafaigaluega ni tupe i le faalapotopotoga.
Ua mafua ona faamautu lenei faigapaaga ona o lea kamupani tumaoti ua 150 pisinisi e aofia ai faleoloa ua latou faipaaga mo le talaina o oloa mo tagata i Samoa ma le Pasefika, ma o se auala vave ma saogalemu lea mo le totogiina iai o tupe o iunite mo le faafaigaluegaina e le UTOS a Samoa.
O se tasi lenei o tautua fou ua faalauiloa a o lumanai lena tausaga fou o le a faaauau ai pea le auaunaga a le UTOs poo le faalapotopotoga o tupe teu tau mavaega tausi.
