Poo le isi lua tausaga faatoa maua ni fomai e mafai ona faia taotoga o fanau.
O lea ua sau le tala mo fanau e moomia taotoga i Ueligitona ma le pito i lalo o le North Island o le a faaauau pea ona faatalitali i fomai faapitoa nei e omai mai tua.
I le masina o Setema ina ua tatala le falemai fou $110 miliona mo fanau i Ueligitone, e na o le toatasi lava le fomai faapitoa e mafai ona faia taotoga nei o fanau, suia ai mai le fā.
Talu mai Aperila o lea lava na tausi mai e fomai mai Kalaiesetete faapea Waikato i faaiuga o vaiaso.
O le isi faafitauli e tusa ma molimau mai le falemai o le faigata ona faafaigaluega o fomai mai fafo.
O se tasi lenei o galuega e le toatele nisi i totonu o Niu Sila e iai le tomai lea e le atoa se toa 20.
