Ua agai le malo e faia suiga e malupuipuia ai ma gafatia le tau o le suauu mo tagata Niu Sila uma.
O le faasilasilaga lea mai le malo a o taumafai ai e faia suiga ma fetuunaiga o pulega auā le tau o le suauu faapea ai ma le mautinoa o loo fetaui tauvaga o fefaatauaiga.
Saunoa le minisita o le Energy and Resources, Dr Megan Woods o nei taumafaiga uma ua faia mo le mautinoa e lava le sapalai o le suauu, lelei le maketi mo tagata faatau atoa ai ma le lelei ona pulea.
O lea foi ua tuuina atu i le Commerce Commission le malosiaga na te pulea ai le tau o le suauu pe a moomia.
Mai le minisita, o loo taumafai le malo ia faamama le avega i luga o aiga a o faigata ai le taugata o le soifuaga.
