O le aso ua faagasolo ai suesuega a leoleo I le faalavelave na maua ai se tinomaliu I totonu o se taavale na mu i se paka I Aukilani.
Ole vaega o le fesoasoani faavavave na agai ane I le taavale lea na faapaka I le Barry Curtis Park I Chapel Rd I Flat Bush poo le tea o le 8 ile po o le aso Toonai na tea nei.
Ole a iai pea poloka a leoleo I le nofoaga lea ao faia suesuega ae e le o mafai ona faia mai se faamatalaga I le taimi nei ile mafuaaga o le faalavelave ma nisi o masalomia.
Vaaia I le aso le au suesue a leoleo I le nofoaga lea ma ua faasa foi se vaega tele o le fanua ao faagasolo suesuega. Tuuina foi le talosaga a leoleo I le atunuu ina ia fesootai ane pe a silafia ni faamatalaga I lenei faalavelave.
