Ua iai se maliega ua taunuu iai talanoaga i le va o Ausetalia ma Singapore mo le fa’aauauina ole sapalai o le suāu’u i totonu ole atunuu.
Ua faamautu ane e le palemia o Anthony Albanese o le a faatino le mafai e gata ai e faamautinoa ai e lava pea le sapalai ole suāu’u e ui o loo tuu fesili pea le toatele pe o le a iai se faamāmā avega o ia fuafuaga i le faaitiitia ole tau ole penisini ma le tiso.
Faailoa finagalo o nisi e leai se suiga o le a iai i le fetuunaiga e pei ona saunoa ai le palemia.
Ta’ua ai i lea lipoti e silia i le 170 pamu penisini i le atunuu ua leai se tiso e maua ai ma o loo iai pea le tau ole tiso i le sili atu ma le $3 tālā i le lita e ui i taumafaiga a le malo .
E nao le 15 pasene o le tiso mo Ausetalia e sapalai mai e Singapore ma le 55 pasene o le penisini ma ua faailo e le 9news e ono manaomia lava nisi maliega ma atunuu i le atu Asia ia faamautū lelei ai le sapalai mo le atunuu.
O loo ta’ua le malaga mai o le palemia o Iapani i Ausetalia i le faaiuga ole masina ma o le a faatalanoa ai foi ma lea mataupu.
Puna o Faamatalaga: https://www.9news.com.au/national/petrol-prices-australia-when-will-fuel-prices-go-down-after-pm-strikes-deal-with-singapore/67682665-3bfd-4704-8001-1774e08dd382
