Ua iai le tekonolosi fou ua faia faapitoa e taofia ai le fiamoe o le avetaavale.
I suesuega amata na faia e le Autosense i totonu o Niu Sila na maua ai le 30% o avetaavale i le va o le 2021 ma le 2022 e lagona le fiamoe a o iai i luga o le auala.
O le Autosense o loo ia faaaogaina le meapueata e taulai sa’o agai i foliga o le avetaavale, ma e umi atu loa ma le sekone ma le ‘afa e moeiini ai, e okomeki lava ona lulu le nofoa e faate’i ai.
O se tekonolosi o loo avanoa mo na o taavale tetele e iai loli, pasi ma taavale a kamupani.
O loo iai le naunautaiga o le pule sili o le Autosense e pei ona molimau ai i tala a le 1News, ia mafai ona faapipii lenei tekonolosi i taavale i le taimi e faatau ai aua lava le saogalemu i luga o auala.
