O le fuafuaga a le malo e faalauiloa nisi auala lelei mo faiga e pei o le buy now pay later ina ia puipuia ai tagata Niu Sila o se tulaga lelei tele lea pei ona saunoa ai se tasi o faufautua i tulaga tau tupe o David Verry.
O le scheme lea o le Buy now Pay later ua faatupulaia pea i latou e faaaogaina, o se faiga e le manaomia ai se mea e faamaonia ai le toe totogiina o oloa ma auaunaga.
E le totogi se interest sei vagana late fees pe a tuai pe misi foi se peimeni.
Ua mananao nei le malo ina ia faia siaki pe gafatia e tagata ona toe totogi faatau e silia ma le 600 tala.
Fai mai le minisita o feagai ma le auaunaga lea a o faaauau pea ona luitauina tagata uma i le taugata o le soifuaga, ua gaioi ai i latou ina ia mafai ona alofia e tagata ni aitalafu e le manaomia aemaise ua lalata mai le kirisimasi.
