Ua fai mai le National afai ae tulai mai na te tauavea le malo, o le a ia faataugofieina childcare.
O se tasi o vaega o le lauga ua ta’ua o le State of the Nation a le taitai ia Christopher Luxon ananafi i le taeao.
O le a faia ai le FamilyBoost childcare tax rebate e fesoasoani ai i le 130,000 aiga e maulalalo agai i le feololo tupe maua, ma e oo atu i le $75 tupe maua faaopoopo i le vaiaso, tusa lea ma le $3900 i le tausaga.
O tagata agavaa o i latou e oo atu i le $180,000 tupe maua, ma le $75 rebate i le vaiaso e avanoa mai mo aiga e oo atu i le $140,000 tupe maua.
Mai ia Luxon, o vaega e lima o loo ave iai le faamuamua a le National pe a tu mai, o le tau o le soifuaga ua iai nei, totogi, tulafono, soifua maloloina ma aoga faapea le auala ma fale.
