Ua faailoa se finagalo o le malo I Ausetalia e faatatau I kamupani fai telefoni ile atunuu ina ia faamautinoa e mafai ona faaaogaina pea a latou auaunaga I taimi o faalavelave faalenatura tutupu faafuasei.
Ua folafola e le faigamalo o le a faatulaga le toeititi afa piliona I le tala faatatau o le tupe o lumanai nei mo le faavave o auaunaga a National Broadband network.
Ua iai faasea I le le ola o auaunaga tau fesootaiga I nisi o nofoaga maotua ile taimi o faalavelave faalenatura tutupu faafuasei.
Fai mai le minisita o loo feagai ma lea auaunaga Bridget McKenzie o loo iai le tupe I le malo e fesoasoani ai e faaleleia lea tulaga ae le faapea o le a fai uma e le malo.
Fai mai le minisita e le o le taimi mulimuli lenei o le a vaai ai le atunuu I lologa ma aafiaga o faalavelave faapea I le siosiomaga ma ua alaga tatau ai I kamupani e pei o le Telstra, Optus ma isi kamupani fai telefoni ona faia se galuega I lea tulaga.
