Ua lipotia se faamatalaga mai le Faigamalo a NSW ua ta’ua ai pe ā ma le 720 afe avetaavale o loo agavaa mo rebates poo tupe toe maua mai ni mea na totogi ma ua una’ia ai avetaavale i Sini ia siaki a latou toll relief scheme ona e 140 miliona le tupe e le’i oo atu nisi e agavaa iai e ave.
O avetaavale e silia ma le ta’i $60 e totogi i tolls i le vaiaso e mafai ona toe maua mai se vaega o lea tupe i lalo o le polokalame sa mua’i faalauiloa e le faigamalo a le Premier o iai nei, Chris Minns e fesoasoani ai i tagata aemaise lava i auala o loo taugatā o latou totogi.
Na saunoa le minisita o auala, John Graham e ui e $75 miliona ua mae’a ona totogia atu i ē na agavaa ma ua talosaga ae o loo totoe pea le $140 miliona e le’i claim pe talosaga foi iai nisi.
Puna o Faamatalaga: https://7news.com.au/q-drivers-eligible-for-unclaimed-toll-rebates-c-17368271
