Ua faailoa mai e silia i le 400 tagata ua maliliu ma le 265 o loo manunu’a i se osofa’iga a Pakistan i se nofoaga i Kabul a o faaauau ai pea foi fetauiga i le va o ia atunuu e lua, o Pakistan ma Afghanistan.
Ta’ua e le CNN o loo teena e Pakistan ia faamatalaga faapea e lē moni ma e taufaasesē ona sa aga’i sa’o lava a latou osofa’iga i le nofoaga o loo iai le militeli ma nofoaga e lagolago ai faiga faatupu faalavelave.
O le osofa’iga ua ta’ua na tupu ae faato’ā mae’a ni nai itula na faailoa ane ai e Saina ua sauni e faataunuu faatalanoaga mo se filemu i le va o atunuu e lua.
O isi taumafaiga mo se filemu i le va o atunuu ia e lua sa taumafai foi iai muamua atunuu e pei o Qatar, Take ma Saudi Arabia peita’i e le’i manuia.
Ua faifaitetele ia vesiga i atunuu ia pe ā ma le 1600 maila le va o lo latou tuaoi.
O le to’atele o i latou ua maliliu o tagata lautele ma o loo faaauau su’esu’ega.
Puna o Faamatalaga: https://edition.cnn.com/2026/03/16/asia/pakistan-afghanistan-strike-hospital-latam-intl
