O le atina’e o tagata tafafao e iai lona aafiaga i le faaleagaina o le siosiomaga ona o otaota lafoai mai uga e pei o ipu ma fagupa’u poo plastics, faapea atigiapa e lafoai solo pe a uma ona faaaoga taumafa sa teu ai.

Ua faailoa e le tamaitai o loo faauluulu iai  nisi o galuega o le atina’e o tulisi i le Pasefika o Christina Leala Gale, o le mafuaaga lea o le aumaia i Samoa o se aoaoga e toe faaaoga ai ia ituaiga o otaota lafoai e mafai ona toe liliu e avea ma nisi oloa aoga ma tāua.

O Christina e faamautu i le ofisa o le faalapotopotoga o le atiina a’e o tagata tafafao a le Pasefika i Saute i Fiti ma o se alo o Samoa, o loo faatautaia faatasi ma se sui mai le Iunivesite a le Pasefika i Fiti se aoaoga e toe faaaoga ai fagupa’u ma atigiapa e gaosi ai nisi oloa e mafai ona faatau ma maua ai seleni, ae auga i le taofia ai o le lafoai o ia ituaiga o otaota a faaleagaina ai le siosiomaga o le laufanua ma le sami. 

O nisi o ia otaota lafoai e pei o fagupa’u ua mafai ona toe faaaoga e gaosi ai ni teu ma asoa faapea taulima ma tautaliga i le faaaoga iai o ni mea faigaluega faapitoa.

E faapena foi i atigaapa, e mafai ona toe faaaoga e gaosi ai oloa e pei o mea tuuteu, ma ta lefulefu poo ni vaega e tuu iai i totonu moli e teuteu ai laoa ma maota.

Ua mae’a le vaiaso na tea nei sa amatalia ai lea aoaoga ae o le vaiaso nei o sui mai le motu o Tokelau ua faasoa atu iai lea tomai, i le sini autu ia puipuiamalu le siosiomaga mai otaota lafoai.