Ua faasee ese mai taaloga o lenei vaiaso e le NRL le laufali o Todd Smith ma le bunker official o Gerard Sutton lea na agai iai nisi o faatalanoaga i le vaiaso talu ai aemaise lava i le mataupu e aofia ai le Round 11 o le taamilosaga i le taaloga a le Storm ma le Broncos.
O le a lē toe laufali Smith i soo se taaloga i le Round 12 i le vaiaso nei sei vagana isi tiute ma se laufali faaleoleo i le taaloga a Cronulla ma Newcastle i le faaiuga o le vaiaso.
O le laufali foi lea sa tuuina iai faitioga a le Ofisa Sili o le One NZ o Jason Paris e tusa o le faia’ina ai o le Warriors i le la taaloga ma Penrith i le taamilosaga 10.
I le lipoti a le Stuff ua ta’ua ai e le faauluuluga o le NRL, Graham Annesley e iai foi isi faaiuga fai a le laufali lea sa sese ona faatino i isi taaloga.
