O le malosi tele o le sasao ane o le afi o le loli na mu i luga o le motorway i Aukilani i le vaveao analeila lea na iu ina aveesea mai ai nisi o aiga o loo nonofo latalata ane.
O le latalata i le itula e 3 i le vaveao i le on-ramp i le itu i Matu o Papakura lea na fafagu ai nisi o aiga i lea vaega o Aukilani ina ua pa le loli sa iai i totonu vailaau.
I molimau a nisi o aiga i tala a le Herald na amata mu le pito i tua o le uta ma amata faasolo ane ai i le pito i luma ma o le pa o vailaau sa i totonu o le loli na sili atu ma le maualuluga o pou moli.
O le fitifiti solo o mea na papa mai le mu o le loli agai i fale o aiga nonofo latalata ane na aveesea ai loa ma nisi o aiga.
Na iai foi ma leoleo e fesoasoani i le galuega a tineimu i le vaveao ma e faafetaia e leai se isi na afaina ai.
