O Patele Andrew 31 tausaga na soifua mai i Harbor City California.
O lona tamā o loo alala nei i Siusega peitai o lona aiga e mai Lalovaea ma Aleisa.
O le toatele o lona aiga ua alala i atunuu i fafo.
O lona tamā o Ben Meisake sa soifua mai Samoa nei ae o lona tina o Shawna Fugate na soifua i Amerika.
Sa aoaoaina lava i Amerika ma ulufale ai i le Iunivesite o Marymount i California lea ua tapunia nei mo le 2 tausaga.
O le Iunivesite lea na maua ai lona faailoga o le Diploma in Philosophy.
Na oo mai i Samoa nei i le 2012 a o avea ma talavou ina ua oo atu le Afioga ia Akiepikopo Alapati Lui Mataeliga i lea taimi a o soifua mai i le 2010 ma valaau mo ni talavou e fia taumafai i tofiga o le Ekalesia.
O le ATS o le 2012 na faafeiloai aloaia ai e Lana Afioga ua faiilagi le folauga le talavou ua avea nei ma Ositaulaga o le Puleaga Faaakiepikopō Samoa Apia.
Sa aoaoaina i lona tofiga i le Redemptoris Mater Archdiocesan Missionary Seminary in Guam.
Na toe foi mai mo le tasi ma le ‘afa tausaga ma nofo i Moamoa Theological College.
Sa aoaoina i le Pontifical Urban College (Major Seminary) faapea foi ona aoaoina i le Pontifical Urban University ma faamanuiaina ai i lona faailoga Tikeri o le Bachelor’s Degree in Theology and Licentiate(License) in Pastrol Theology & Human Mobility.
Sa aoaoina i Roma mo le 5 tausaga ma na toe taliu mai Fr Andrew Tye-Aaron Meisake i Samoa e sauni ai mo lona faauuga i le aso 2 o Iulai o le tausaga nei.
O loo galue ai e fesoasoani i Faifeau i le Malumalu Faaepikopō o Maria Imakulata i Mulivai.
