Sili Epa Tuioti & Matamua Seumanu Vasati Sili Pulufana
Sili Epa Tuioti & Matamua Seumanu Vasati Sili Pulufana

Faaui i tua le tagi a lē sa avea ma Minisita o Tupe

Ua faaui nei i tua le tagi a le sa avea ma Minisita o Tupe i le 5 tausaga talu ai, o le sui foi o le vaega faaupufai a le HRPP le afioga ia Sili Epa Tuioti mo le nofoa o le Itumalo o Faasaleleaga No.1 ma manino ai le avea o Matamua Seumanu Vasati Sili Pulufana o le sui o le FAST ma faipule o le itumalo.

O le iuga o le faigapalota tele a le atunuu i le Aso 9 o Aperila na tulai mai le aofai o palota a Matamua i le 1173 ae tulai mai Sili Epa i palota e 689. O Matamua o se tasi o tamaitai e toalima lea na manuia taumafaiga mai le faiga filiifliga o lenei tausaga.

Taua e le afioga ia Sili Epa ““Talosia sa faamalieina le itumalo i lena lima tausaga sa ou tautua ai mo i latou” ma ua ia faamanuia atu foi ia Matamua i lona tulai mai ai i le tofi o le la itumalo mo le isi 5 tausaga o lumanai.

O lenei talosaga faaui i tua na tuuina atu i luma o afioga i tamaitai faamasino ia Niava Mata Tuatagaloa ma le afioga ia Tafaoimalo Leilani Tuala Warren.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required